يا عم يا بياع السعادة
ليه الحزن من زمان بقى فينا عادة
قولى فين الناس اللى عايشه سعيدة
كل ما ابص فى عيون الناس
القى الحزن و مفهاش احساس
قولى يا عم يا بياع السعادة
ليه كل القلوب فيها جرح
و نست الضحكة و الفرح
ممكن تدينا شوية سعادة
دا احنا و قلوبنا غلابة
طول عمرها بتشرب قهوة سادة
و البكاء و الحزن كانه عبادة
كل يوم فى زيادة
طيبين و لا عمرنا اشتكينا
اتجرحنا و لا حد طبطب علينا
لسه جروحنا بنداها
و قلوبنا مش قادرة تتنفس هواها
امته نشرب قهوة زيادة
و يبقى الفرح عندنا عادة
و القلوب يملاها السعادة
قولى امته يا عم يا بياع السعادة
ليست هناك تعليقات:
إرسال تعليق