بالحروف نلون حياتنا و نعوض العمر اللى فاتنا
و نعيش كل قصة حب فى حكايتنا و روايتنا
و كلها قصص حب على الورق
و اجمل نبض انخلق
نعيش اجمل حكاية من البداية للنهاية
بفرحتها و خوفها و العيون تبكى من الفرح ببوحها
و الدنيا تعيش قصتنا و تفرح لفرحتنا
و بعدين نقصص الورق و نعمل به طيارة ورق
و نطيرها لابعد مكان لا يوصله انس و لا جان
لانها نبض مشاعر حية كأنها انسان
فيها من ملامحنا و ريحتنا و اشواقنا و لهفتنا و فرحتنا
يمكن فى يوم نتقابل
لما تتوه ذاكريتنا و تحكى عن اجمل حكاية هى حكايتنا
مش يمكن الحكاية على الورق تكون حقيقة فى يوم
و النبض يرجع من الهموم و سكة السفر قبلها بيوم
يمكن
ليست هناك تعليقات:
إرسال تعليق