كفاية يا دنيا
يا دنيا
مسجنوين فيك
مش عارفين نراضيك
ولا فين اراضيك
ليه عماله تاخدينا و تودينا
و لا فى يوم مليت من اللى بتعمليه فينا
كفاية يا دنيا
ابتسمى و لو مرة
و خلى تسلم الجرة
كفاية حياتنا بقت مرة
و تعبنا و تعب حتى النبض اللى فى عنينا
تعبنا من الوحدة و من القسوة و من الغدر و الخيانة
ليه يا دنيا فيك ناس ديابة و منافقة و كذابة
حتى الكلمة الحلوة بنخافها و نقتل كل احساسها
لا تكون و راها قلوب كاسرة و جاحدة
عارفة انا نفسى ولو مرة مكنش خايفة
خايفة و انا صحية و انا نايمة
لان مفيش فيك امان
فيك الحر مش سلطان
و الكريم فيك مهان
و الجبان و الخاين بيتكلم عن الاديان و الايمان
و يوعد الناس بالجنة لو هم رضوا الرحمن
و يفتى و يقول دا كافر و دا مطرود من جنة الرضوان
لكن فى الحقيقة مش انسان
يا ما ضيع من قلوب الامان
و ملاها بالاحزان و الخذلان
و نسوا الاحسان بالاحسان
و القاتل اللى ايديه مليانه دم بيتكلم عن السلام
و هو بيغتال غصن الزيتون و يحرق الحمام
و خلوا كل نبض فينا يقول على الدنيا السلام
امته ينتهى الحرب و ننهى عن بلادنا الحصار و الدمار
كل اللى بيحصل فيك عار
من اغتيال الحلم و الازهار
قول لى يا دنيا
امته تبتسم و لو مرة اه لو تعرفى قد ايه حياتنا مرة
قوللى امته تبتسمى و لو مرة
و تخلى القلوب الحزينة مبتسمة و لو نسمة
دى قلوب من نورها ضياء الشمس
بتصرخ با على صوت من جواها كانه همس
هى و الفرح ممنوع المس
بتنام ليلها صحية بالحزن و الهم مستورة
عيون قلبها باكية ومحصورة
وفى نفس الوقت راضية و اهى عايشة
على اللقمة مطحونة مش لاقية حتى الفولة
قلوبها مكسورة و محفورة
امته تبقى مضمومة و تبتسم فى العمر و لو مرة
امته يا دنيا تبتسمى و تخلى الانسان انسان
و يرجع ضميره اللى فى خبر كان
و نرجع نحس بالامان
و لا نشوف قلوب باكية من جواها مهزومة
و مش مجرد برواز فى صورة
و تبقى الصورة مقلوبة
ولا نشوف نساء حيارى مع اطفالها و قلوب ضعيفة تستغل حاجتهم
ولا كهول حزينة تبكى على ايامهم
اللى راحت منهم بلاش
و ضاع منهم الاحساس بالحب و الاخلاص
حننى قلب اولادهم يسمعوا بس اصواتهم
لتحلى من ثانى اوقاتهم
و يجف دمع قلوبهم و تنبض احلامهم
و يرجعوا من غربتهم
ولاطفل يتيم فى ليلة عيد حزين
قول لى امته يبقى لنا عيد
و نغنى هلت ليا لى العيد
و الكل فرحان سعيد
يا دنيا عندى امانى و كلام كثير و كثير
يعملوا منه دساتير
تخلى القلوب من الفرحة تطير
قول لى امته نتقابل من غير حاجب
و نكسر خوفنا من بكرة و من اللى هيجرى و من كل اللى حوالينا
و يعود للصبح نداه وبهاه
و لنور شمس ضياه
امته
.jpeg)