فتح المزاد
حد عاوز يشترى قلب مجروح و من حناياه مذبوح
و مش قادر يبكى و لا حتى يشكى و يبوح لو طلعت الروح
قبل ما تشترى لازم الاول نتفق
معنديش رجوع اصل الشطارة فى البيع بتقول كدا
مفيش تبديل و لا ترجيع
اصل احنا فى فترة التنزيلات و انا اتنازلت عنه
مش هبقى و لا حته منه
خذوه و فى اقرب بير ارموه
دا قلب طيب و حنين و بيحب البعيد قبل القريب
و ياما اشترى قلوب طلع معظمها معيوب
و عمره ما هيتوب و لا هيبطل يشترى قلوب
رغم انها بتغدر و تخون و حبيبها عليها يهون
ببيع من غير ثمن بس شيلوا منه الالم و كام قلم معلمين فيه
يمكن دا يرضيه
و دا قدر القلوب الطيبة
ليست هناك تعليقات:
إرسال تعليق