و صحيت يا مصر
على صوت النصر
بيناديك
و يقبل تراب اراضيك
و صحيت يا مصر
على ثورة الأحرار
و اتحررت من غير ضرب النار
و فكوا قيد الحصار
دا مهما ليل الظلم طال
لا بد يشرق فجر النهار
و صحيت يا مصر
على صوت النصربيناديك
و عرفت دربك بهنيك
و اتعطر ارضك و سمائك
بدماء شعبك يا ملاك
ماتوا فداك يا مصر
و زغرتت روحهم بفرحة النصر
و مين يحاسبك على سكوتك
قومى و حطمى خوفك
دا لسه الحنة فى كفوفك
و دوسى على اللى يدوسك
و دارى المك و كسوفك
و ارفعى من ثانى راسك
و غنى لشعبك و ناسك
دا كلهم حراسك
و اقفين على بابك
يحكوا حكاية عذابك
بعد ما باعوا ترابك
و احكيها يا مصر لاحفادك
و قولي لهم ازاى ثاروا شبابك
و عادوا لك من ثانى امجادك
و الضحكة على اعتابك
بعد طول غيابك و حدادك
و صحيت يا مصر
على صوت النصر
بهنيك
وانتصرت ارادة الشعب
لتشرف بفجر جديد من الامل
ليست هناك تعليقات:
إرسال تعليق