بالأحضان بالأحضان
ياشبابنا يا حر بالأحضان
ثورتم بعد ما شوفتوا الذل فى الأوطان
بالأحضان بالأحضان
ياشبابنا يا حر بالأحضان
ثورتم بعد ماذقتوا المر فى الأوطان
مصر بتتحرر بيكم
شوفنا نورها بعنيكم
و حررتم من ثانى اراضيكم
و رفرف علمها بحرية أمانيكم
ومن قلوبنا بنحيكم
وبندعى لكم ربنا يحميكم
سجل يا تاريخ
سجل يا تاريخ
من غير خوف ولا تحريف
سجل من البداية
لثورة ملهاش نهاية
على الظلم و على الطغيان
و كان أجمل بيان
عادت به الحرية
لمصر الأبية
بفضل شعوبها الوفية
سجل كل همسة
ولا تنسى حتى نسمة
سجل يا تاريخ
دم الشهيد سال
يسحق جبل المحال
و عاد نبض القلوب
دا مكنش حلم كذوب
شهداء 25
هنفضل فاكرينكم طول السنين
بتبكيكم الملايين
الفاتحة لروحهم قولوا
آمين آمين
كتبتم تاريخ بلادى
هنفضل فى حداد
حتى نعيد الأمجاد
سجل يا تاريخ
من غير خوف ولا تحريف
تحية ود بكل التقدير و العرفان
الى شبابنا الأبطال
ومن يمشى ورائهم من الأحرار
تحياتى و تقديرى
صفاء داود
ليست هناك تعليقات:
إرسال تعليق